Stomatologji Estetike

Çfarë është

Stomatologjia estetike merret me pamjen e dhëmbëve — formën, ngjyrën dhe pozicionin — pa u shkëputur nga funksioni. Kurorat prej zirkoni rikthejnë dhëmbë të dëmtuar rëndë, ndërsa zbardhja dhe restaurimet e vogla trajtojnë ndryshime më të lehta.

Për kë është

Pacientë me dhëmbë të dëmtuar, të ngjyrosur, të thyer ose me restaurime të vjetra që duhen ndërruar. Vlerësimi klinik përcakton se çfarë është e nevojshme dhe çfarë jo.

Rrjedha e trajtimit

1. Vlerësim i shëndetit të dhëmbëve dhe gingivës para çdo trajtimi estetik.
2. Diskutim i opsioneve, i asaj që është realisht e arritshme dhe i kufizimeve.
3. Përgatitja dhe punimi, në një ose më shumë seanca sipas rastit.
4. Provimi dhe vendosja përfundimtare.

Kohëzgjatja

Zbardhja profesionale bëhet zakonisht në një seancë. Kurorat kërkojnë të paktën dy vizita, me kohë ndërmjet për punimin laboratorik.

Pas trajtimit

Rezultati varet nga higjiena dhe nga kontrollet e rregullta. Zbardhja nuk është e përhershme, dhe kohëzgjatja ndryshon sipas pijeve, duhanit dhe kujdesit ditor.